ماكیاژ و ماكیاژكاری، كچان و خانمان بە چەشنێك سەرقاڵ دەكات، كە رەنگە هەندێ جار لەبەر ماكیاژەكەیان زۆر شتی دیكەیان لە بیر بچێ، هەر بۆیە كاتێكی زۆریان تەرخان دەكەن تا ماكیاژێك بكەن، ناكرێت هەر ماكیاژ نەكەیت، یان ئەگەر ماكیاژیشت كرد، ئەوەندە بە تۆخی مەكە كە نەشیاوت بكات، ئەوەندە سادەی مەكە كە هیچ پێوە دیار نەبێت، هەربۆیە پسپۆران پێیان باشە كە ماكیاژی ناوەندی بكەی، تا لە روخسارت جوانتر دەربكەوێ، تا ماكیاژت جوانتر بێت، واچاكە پێستت جوانتر بكەیت، چونكە ئەگەر پێستت رێك نەبێ، ئیدی چەند ماكیاژ بكەیت ماندووبوونت بە فیڕۆ دەچێ، لەم چەند زانیاریانەی خوارەوە دەتوانی سوود ببینی لە جوانتر كردنی پێستی روخسارت :
- سەرەتا كرێمی تەڕ لە دەم و چاوت بدە، بۆ ماوەیەك كرێمەكە بهێڵەوە تا پێستی روخسارت تەواو كرێمەكە دەمژێ و هەرچی وردە خاڵ و چاڵی بچووك هەیە پڕی دەكاتەوە.
- باشترە كرێمەكە بە ئەسفەنجی ماكیاژ لێبدەیت، نەوەك بە فڵچە، تا بە جوانی لەسەر پێستت بنیشێت.
- كاتێك دەتەوێ پێستت جوان بێت، پێویستە پۆدرەی تۆخ بەكاربهێنێت بۆ كوڵمەكانت، هەروەها دوور بكەوە لە پۆدرەی سادە، ئەگەر پۆدرەكەش لە شێوەی كرێم بوو، سەرەتا كرێمەكە لێبدە ئنجا پۆدرەكە.
- گرنگە كە ماكیاژەكەت سادە و ناسك بێ، مەرج نییە بۆیەكان بە تۆخی لێبدەیت، چونكە تا چەند ماكیاژ سادە بێت، ئەوەندە زیاتر جوانتر دەبێت.
- تا ماكیاژەكەت سادە بێت، دەبێ رەنگەكان لە یەكتر نزیك بن و رەنگەكانیش زەق مەكە، چونكە هەر رەنگێكی تۆخ ماكیاژەكەت تێكدەدات.