گۆڕانی كەشوهەوای وەرزی بەهار، وات لێدەكات كە بیر لە گۆڕینی كەرەستە و جلەكانت بكەیتەوە، جگە لەوەی كە مۆدی هەر وەرزێك تایبەتی خۆی هەیە، بۆیە پێویستە تۆش پەیڕەوی مۆدەكان بكەیت، لە سەرەتاترین گۆڕانكارییەكانیش پێویستە مۆد و شێوازەكانی پێڵاو و سەندەڵ بگۆڕیت، چونكە ئەو پێڵاوانەی لە وەرزی زستاندا لەپێی دەكران، ئەگەر لەو وەرزشدا لەپێت بێ، ئیدی زیان بە پێستی پێیەكانت دەگەیەنێت، مۆد و شێوازە باوەكانی وەرزی بەهار لە مۆدەكانی (هۆس فاشینستاز و ستریت ستایل)ـە كە بریتین لە سەندەڵ و پێڵاوی پاژنەپان و سەرەوە كراوە، ئەو شێوازە لەگەڵ زۆربەی مۆدی جلەكان دەگونجێت و هەروەها پلەی گەرمیی پێیەكانیش بە فێنكی دەهێڵێتەوە. ئەو مۆدە تازەیە جگە لەوەی دیزاینەكەی تەندروستە، هەروەها لە رەنگ و نەخشدا نایابە، تا لەگەڵ شێوازەكانی جلی بەهار شیك و رێكبكەون، نموونەی ئەو كەسایەتییە ناودارانەی ئەو سەندەڵ و پێڵاوانە لە پێ دەكەن بریتین لە: رێبیكیا فێرگسۆن، ڤیكتۆریا بێكهام.
