بەشێکی لە خانمان بەدەست ئارەقەوە دەناڵێنن لە وەرزی گەرمادا بەتایبەتی ئەوانەی زۆر ئارەق دەکەنەوە، چونکە ماکیاژەکەیان تێکدەچێت و دێتە خوارەوە بە ڕووخساریاندا، ئەم کێشەیەش چارەسەری ئاسانە و شارەزایانی بواری جوانکاری چەند ڕێنماییەک بڵاودەکەنەوە.

1-پێش بەکارهێنانی ماکیاژ کلێنسی پاکەرەوە بەکاربهێنە، بۆ ئەوەی زەیتی سروشتی پێستەکەت هەڵمژێت.

2-بەکارهێنانی تووەنەر بۆ پاککردنەوەی دەموچاو داخستنی کونیلەکان و کەمکردنەوەی زەیتی سروشتی پێستەکەت، چونکە پێستەکەت ئارام دەکاتەوە ناهێڵێت سوربێتەوە، پێش بەکارهێنانی ماکیاژ.

3-سەرجەم کەلوپەلەکانت لە ساردکەرەوەدا هەڵبگرە، بۆ ئەوەی کاتێک بەکاریدەهێنیت پێست ئارام بکاتەوە.

4-لەکاتی بەکارهێنانی ماکیاژدا هەرگیز دەست بەکارمەهێنە، چونکە ماکیاژەکەت تێکدەدەت و بەشێوەیەکی جوان بڵاونابێتەوە.

5-ڕەنگی سەر کوڵمی ئارام و مات هەڵبژێرە، چونکە دەمێنێتەوە بۆ ماوەیەکی درێژ.

6-لەدوای تەواوبوونی ماکیاژەکەت، کەمێک بۆدرەی تایبەتی ڕوخسار بەکاربهێنە بۆ جێگیربوونی ماکیاژەکەت بۆ ماوەیەکی زۆر لەدەرەوە.


خەندان