وەك دەگوترێ كە جوانی بووك لە تارای سپی سەریەتی، بە هەمان شێوە جوانی دیكۆری ماڵ لە جوانی ژووری چێشتە، كاتێك سەردانی ماڵێك دەكەیت، دەبینی ژووری چێشتیان ئەوەندە جوان و سەرنج راكێشە، دڵت دەیەوێ لەو ژوورە بمێنێتەوە و شتێك بنۆشی، چونكە ئەو ژوورە تا چەند پاك و هێمن بێ، زیاتر جێگەی سەرنجی هەمووان رادەكێشێت، تۆش وەك خانمێك تا جێ دەستت لە جوانی ماڵەكەتدا دیار بێت، دەبێ سەرەتا گرنگی بە ژووری چێشت بدەیت، چونكە سەرەكیترین جوانی ماڵەكەت دەبێت، بزانە ئەو كەرەستانە چین كە پێویستە لە ژووری ناندێندا هەبێت ئەوانەی خوارەوەن :
- كەوەنتەری كەرەستەی خواردن، واچاكە دوو بەش بێت بەشی سەرەوە و خوارەوە.
- مێز و كورسی دانیشتن، لە ناوەڕاستی ژوورەكە دایبنێ.
- پەردە بۆ ژووری چێشت گرنگی و جوانی هەیە، كە ژوورەكە دەرازێنێتەوە.
- گوڵ و گوڵدان، لەسەر لێواری پەنجەرە یان لەسەر كورسی و مێزی نان خواردنی دانێ.
- شوێنی هەڵگرتنی كەرەستەكانت، بۆ كەرەستەكان و هەردەم پاكی رابگرە.
- رەفی دیوار بۆ دانانی كەرەستەی ورد و لە شووشە.
- كەرەستەكانی خواردن، كە ئەوەش دوو جۆریان هەن، یەكێكیان لە شووشەن و ئەوانی دیكەش لە ستیلە.
- ئامێرەكانی شووشتن و پاككردنەوەی كەرەستەی چێشت.