كچان و خانمانی زانكۆ، كە رۆژانە دەبێ خۆیان پڕ زانیاری و خوێندن بكەن، هەروەها وەك گوڵێكی جوان بدرەوشێنەوە، ئەوەش لە هەنگاوەكانیانە كە گرنگی بە خۆیان بدەن، لە پۆشینی جلی جوان، و ماكیاژێكی سادە و بەستنی قژیان، تا لە نێو هاوڕێیانی زانكۆدا بڵێن لە گوڵێكی جوان دەچیت، لێرەدا باس لە ماكیاژی كچانی زانكۆ دەكەین، كە ئەگەر ماكیاژێكی تۆخیش ناكەی، هەوڵبدە سووكە ماكیاژێك بكەیت كە لەم رێگایانەوە دەتوانی ماكیاژێكی جوان بۆ كاتی دەوامت بكەیت :
- پاك راگرتنی پێست : سەرەتا بەیانیان دەم و چاوت بە ئاوی شلەتێن بشۆ، پاشان بە جوانی وشكی بكەرەوە و تا ئاسەواری ماكیاژی رۆژیی پێشووی پێوە نامێنێت، پاشان (10) خولەك بوەستە و ئنجا دەست بە ماكیاژ بكە.
- پاشان دەست بە كۆنسیلەر بكە، وەك دەزانین دوو جۆرە كۆنسیلەر هەن، یەكێكیان توندە و ئەوەی دیكەش شل، وا چاكە بەیانیان كونسیلەری شل بەكاربهێنیت، چونكە تا دەچێتە ناو خانەكانی پێستی دەوروبەری چاو جێگیر دەبێت.
- كرێمی ئەساس : پاشان كرێمی سەرەكی (ئەساس) لە هەموو دەم و چاوت و ملیشت بدە، تا یەك رەنگ بێت، واچاكە كرێمی ئەساسی شل بەكاربهێنی تا بە شێوەیەكی سرووشتی خۆی نیشان بدات.
- دواتر نۆرەی (پۆدرە) دێت، دەبێ بەیانیان پۆدرەی توند بەكاربهێنی، تا بە شێوازێكی تێكەڵ لەگەڵ رەنگی پێستدا خۆی بگونجێنێت.
- ماسكارە : گرنگە دوای ئەو هەنگاوانەی سەرەوە، ماسكارە بكەی، تەنانەت ئەگەر ماسكارەكەت لە رەنگی رەش یان قاوەیی بێت، هەوڵبدە كە ماسكارەكە لە برژانگی سەرەوە و خوارەوە بە جارێك لێبدە و تا جیاواز دەرنەكەون.
- كاتێك ئەو كۆمەڵە هەنگاوەت كرد، خۆ دەبێ كوڵمەكانیشت بە رەنگێكی جوان بڕازێتەوە، بۆیە رەنگی بێجی یان پەمەیی كاڵ لە كۆڵمەكانت بدە و تا سەرنج راكێش بن.
- لە دوا هەنگاودا، رەنگێكی بۆ لێوت هەڵبژێرە و تا ئەویش وەك بەشەكانی دیكەی دەم و چاو بێبەش نەبێت لە ماكیاژدا.