جوانی خانمان، بە چەند لایەن و هۆكارەوە بەندە، یەكێك لەوانە خەوێكی چاكە بۆ كچان و خانمان، چونكە ئەگەر خواردنیشت باش بێت و ژیانیشت خۆش بێت، دەبێ خەوێكی تەواوت هەبێ تا تەندرووستی و پێستت بە جوانترین شێوە بن، لە كاتی خەودا، خانەكانی جەستە پشوو دەدەن و بە تایبەت خانەكانی دەم و چاو، بۆیە ئەگەر خەوت باش نەبوو، یان تووشی خەوزڕان بووی، ئەوكاتە دەبێ چارەسەری بكەیت ورۆژانە خەوت باش بێت. بۆ ئەوەی خەوت باش بێت، دەتوانی سوود لەم زانیاریانە وەربگریت :
- ژووری نووستنت تایبەت بكە بە ژووری خەو، كە نابێت لەسەر جێگاوە خەریكی تەماشاكردنی تەلەفزیۆن و یان قسە كردن بە مۆبایل و ئینتەرنێت.
- لە دوای نیوەرۆوە قاوە مەخۆوە، هەروەها لەگەڵ شەربەتی پورتەقاڵ، شتی تایبەت بە پورتەقاڵ.
- ئەگەر توانیت، رۆژانە بۆ ماوەی (30) خولەك وەرزش بكە، چونكە جەستەت دەحەسێنێتەوە.
- یۆگا بكە، یەكێكە لەو راهێنانە وەرزشیانەی كە بۆ هەناسە وەرگرتن و دانەوەیە، كە هەناسە هەڵدەمژی بۆ ماوەیەك لەناو سینگت دەهێڵیتەوە و پاشان فرێی دەدەیت.
- كاتی نووستنت دیاری بكە، رۆژانە لە یەك كاتدا برۆ سەر جێگا و هەوڵبدە بخەویت، تا جەستەت بزانێت كە كەی كاتی خەوە، چونكە گۆڕانكاری لە كاتەكانی خەودا، دەبێتە هۆی خەوزڕان.