لەگەڵ هاتنی ساڵی تازەدا، گۆڕانكاری لە شێوازەكانی مۆدەش روودەدەن، تا ئافرەتانیش لەگەڵ مۆدەكاندا بن، بەڵام پێویستە ئاگاداری گۆڕانكارییەكانی نێو مۆدەدا بن، هەروەك پێگەی جوانكاری (ئای دیڤا)ی تایبەت بە جوانكاری و مۆدە، باس لە تەواوی ئەو گۆڕانكارییانەی ستایل و مۆدەكانی ساڵی تازە دەكات، لێرەوە ئاشنای ئەو مۆد و شێوازانە بە:
ماكیاژی سادە و سرووشتی: بە ماكیاژی سادە و منداڵانە ناسراوە، كە شێوازی ناسك و نەرم و نیانە، یان هەندێ جار تەنیا كرێمی ئەساس بەكاردەهێنرێت، لەگەڵ تەنێكی بۆیەی روومەت (پلاشەر)، ئەگەر بریقەیەكی سادەش هەبێت، جوانتر دەبێت.
میتالیك: رەنگ و شێوازێكی سەرنجڕاكێشە، لە نێوان هەردوو رەنگی زێڕی و زەردە، بۆ پشت چاو و نینۆكەكانیش دەبێت، مۆدێكی ناوازەیە بۆ جوانیی چاو و دەستەكان.
شێوازی نینۆكی تیژ: لە مۆدی پێشوودا، سەری نینۆكەكان هەمیشە بە پانی یان نیو چوارگۆشە بوو، لە مۆدی تازەدا، گرنگی بە تیژی سەرە نینۆكەكان دراوە، هەروەها رەنگی سپی بۆ نینۆكەكان مۆدی باو دەبن.
جەلی و كرێمی پرچ: ئەگەرچی لە پێشوودا ئەو كرێمە باو نەبوو، بەڵام لە مۆدی تازەدا گرنگ دەبێ، تا پرچ بە جوانترین شێوە بوەستێت و درێژی و شێوازی ئارایشتی پرچیش جوانتر بكات.
برۆی نەرم و پڕ: لە پێشوودا مۆدی برۆی رەق و تەنك بوو، بەڵام برۆی پڕ لە ساڵی تازەدا بایەخ و مۆدی خۆی دەبێت.
رەنگی قژ: رەنگە بەلاتانەوە سەیربێت كە لە ساڵی تازەدا پرچی رەنگاوڕەنگ باو دەبێت، بەتایبەت رەنگەكانی هایلایتی بە تێن و لە رەنگە تۆخەكان، بەمەش جوانتر و شیكتر دەردەكەوێت.