قژ، تاجی جوانی ئافرەتەو پسپۆڕان بە تاجی شاهانەی جوانی دادەنێن. كاتێك پرچت جوان و سەرنجڕاكێشە، وەك شاژنێك دەردەكەویت، بەتایبەت كە قژت نەرمونیان و تەڕ و بە بریقەیە، پێچەوانەی ئەو حاڵەتەش كاتێك بەشێكی زۆری قژت وشك و بێ رەنگ دەردەكەون، جوانیت كەم دەكاتەوە. ئەوانەی بە دەست كێشەی پرچ وشك بوونەوە دەناڵێنن، دەتوانن سوود لەم زانیارییانەی خوارەوە وەربگرن كە هۆكارەكانی وشكیی قژ نیشان دەدات و هەروەها چۆنیەتی چارەسەركردنی ئەو گرفتەش دەخاتەڕوو:
ئەگەرچی چەندین كەرەستە و بۆیە و دەرمانی دژە پرچ وشك بوون هەن، بەڵام زۆربەیان زیانیان لە سوودیان زیاترە، چاكترین رێگەچارە، مەساجكردنی پێستی سەرە، بە رۆنی زەیتوون كە دەكرێت هەندێك رۆنەكە گەرم بكەیت و پاشان لە پێستی سەرتی بدەیت. ئەو هۆكارانەی دەبنە هۆی وشكی و دڕی پرچ بریتین لە: بەكارهێنانی زۆری ئامێری كەوی كردنی پرچ، بەركەوتنی سەرما و گەرمای زۆر، پرچ شووشتن بە ئاوی زۆر گەرم، شانە كردنی پرچ لە شێوەیەكی توند كە لەگەڵ راكێشانی مووەكان، رەگی مووەكە ئەزیەت دەخوات و مووەكەی وشك دەبێت و دەمرێت، هەوڵبدە هەفتەی جارێك پرچت بە رۆن نەرم بكەیتەوەو مەساجیشی بۆ بكەیت، هەروەها تا پرچت بریقەدار بێت، لە دوای شووشتنی پرچت، راستەوخۆی مەساجی پێستی سەرت بە پەنجەكانت بكە و رۆنی گەرمیش لە پرچت بدە.