دیكۆری ماڵەكەت تا چەند جوان بێت هێشتا كەمە، دەست رەنگینی تۆ لەگەڵ پاك و خاوێنی و جوانی ماڵەكەتدایە، تەنانەت ئەگەر جار جارە دیكۆری ماڵ بگۆڕیت یان هەنگاوێكی بۆ بكەی، ئیدی جوانتر دەبێ و خۆشت هەست بە گۆڕانكاری دەكەیت، بۆ نموونە بە هەنگاوێكی سادە ماڵەكەت گۆڕانكاری پێوە دیار بێت، وەك گۆڕینی وێنەی دیوارەكان، كە دەتوانی چەندین هەنگاوی جۆراوجۆر لە دیوارەكانی ماڵت بكەیت، بە تایبەت ئەوانەی بەرچاو و دیارن، كە دەتوانی ئەو گۆڕانكاریانە بەسەر دیوارەكانی ماڵتدا بهێنیت وەك :
- پەڕی دیوار : كە چەندین جۆری هەیە و دەتوانی سەراپای دیوارەكەت بە ڵاپەڕەی جۆراوجۆر و رەنگدار داپۆشی، بە تایبەت ئەو شوێنانەی كە پێویستە داپۆشینی بۆ بكەیت.
- هەڵواسینی ئاوێنە، رێگەیەكی دیكەیە تا سەرنجی سەر دیواری ماڵەكەت جوانتر بێت، كە دەتوانی ئاوێنەیەك هەڵواسی لەم شوێنەی خۆت مەبەستتە.
- وێنە و تابلۆ، دەتوانی چەندین وێنە و تابلۆی جۆراوجۆر لە ماڵەكەت هەڵواسی و كە دەبێتە جوانكارییەك بۆ رازاندنەوەی دیوارەكانی ماڵەكەت.
- هەروەها لە مۆدەی ئێستا، دەكرێت تەلەفزیۆن لەسەر مێز نەبێت و بەڵكو بە دیواردا هەڵواسی، كە ئەوەش دیمەنێكی رازاوەی هەیە و شایستەی جوانیتە.
- رەف و دەلاقە، ئەوانەش مۆدەیەكی كۆنن لە دیكۆری ماڵ، كە دەتوانی رەفی بە دار دروست بكەیت، یان دەلاقەی كە بۆ ژوورەوەیە، بیكەیتە كتێبخانەیەكی بچووك یان جێگەی گوڵ و گوڵدان بێت.