فڵچەی ماکیاژ یەکێکە لە کەلوپەلە گرنگەکان کە خانمان بەکاریدەهێنن، بەڵام دەبێت ئەوە بزانرێت کە بەکارهێنانی بەشێوەیەکی هەڵە زیانی هەیە لەڕووی تەندروستیەوە.
چۆن لە زیانەکانی بەکارهێنانی فڵچەی ماکیاژ خۆت دەپارێزێت؟
1-هەوڵبدە فڵچەی گونجاو هەڵبژێرە، چونکە جۆرێکی زۆری ئەم فڵچانە لە بازاڕدا بوونی هەیە، ئاگاداربە لەوەی ئەو فڵچەی تایبەت بە بڵاوکردنەوەی کرێم یان ڕەنگی چاو و سەر کوڵمەکان جیابکەیتەوە.
2-پاککردنەوەی فڵچەکان یەکێکە لە هەنگاوە گرنگەکان، چونکە دواجار دەبێتە هۆی کۆبوونەوەی بەکتریا و میکرۆب و گواستنەوەی بۆ سەر پێستی تۆ و دەبێتە هۆکارێک بۆ دروستبوونی زیپکە و پەڵە، هەر بۆیە دەکرێت هەفتانە بە شامپۆی تایبەتی بیشۆیت وەک شامپۆی منداڵ.
3-هەر وەک چۆن پاککردنەوە و شتنی فڵچەکان گرنگە، پێویستە وشککردنەوەشی بەشێوەیەکی زۆر باش لەیادنەکەیت، لەڕێگەی هەوای سروشتی یان هەوای ئامێرە گەرمەکانەوە.
4-هەڵگرتنی فڵچەکان لە شوێنی گونجاو و دانانی بەڕێگای ڕاست، بەدووربێت لە هەوای شێدار، چونکە دەبێتە هۆی دروستبوونی میکرۆب و بەکتریا.


خەندان