جلەكانی وەرزی سەرماو سۆڵە، وەك هەمیشە پێویستە گەرموگوڕو تۆكمە بن، تا بەرگەی سەرما بگریت، بەتایبەت ئەو كاتانەی لەدەرەوەی، یان دەچیتە زانكۆ و شوێنی كار. وەك دەزانین لەو وەرزەدا جلی زۆرتر لەبەر دەكەین، بەمەش جەستەمان گەورە دەردەكەوێت، وەك ئەوەی كەسێكی قەڵەو بین، چارەسەریش بۆ ئەو حاڵەتە پۆشینی چاكێتی جینزە، كە هەم گەرمەو بەرگەی سەرما دەگرێت، هەم جەستە رێك و شیك نیشان دەدات، لێرەوە هەنگاوەكانی پۆشینی چاكێتی جینز بزانە:
- هەوڵبدە چاكەتەكەت پڕ بە قەبارەو سایزی جەستەی خۆت بێت، تا شیك دەربكەویت.
- كاتێك چاكێتی جینز لەبەر دەكەیت، هەردەم دوگمەكانی ناوەڕاست و سەر كەمەر دابخە تا جەستەت جوانتر نیشان بدات.
- كاتێك چاكێتی جینز لەبەر دەكەیت، هەوڵبدە پووتیش بپۆشیت، هەروەها ملپێچێكی شیكیش لەمل بكە.
- ژێرەوەی چاكێتی جینز، پێویستە قەمیس، یان بلووزێك بێت، بەڵام نابێت ئەوەندە زۆر بێت كە ببێتە هۆی تێكچوونی شێوەی چاكێتەكە.
- دەتوانی چاكێتی جینز، لەگەڵ عەزییەكی كورت و گۆرەوی درێژ لەبەر بكەیت، هەروەها دەكرێت بەدی و تیشێرتیش لە ژێر چاكێتی جینزدا لەبەر بكەیت.
- كاتێك چاكێتێكی جینزت لەبەرە، هەوڵبدە رەنگی چاكێتەكە لەگەڵ جلەكانی دیكەدا هاوڕەنگ نەبێت، بەڵكو با جیاواز بێت، چونكە ئەو گۆڕانكارییە لە رەنگدا، جوانی و شیكی دروست دەكات.