خانمانی خاوەن پێستی چەور كێشەیان لەگەڵ روخساریان هەیە، چونكە هەمیشە بەهۆی ئەو زەیتە زیادە سروشتیەی پێستیانەوە بەردەوام پێویستی بە خزمەتکردن هەیە و رەنگە زیپكەی زۆریش دروست بكات، دەتوانیت بەم هەنگاوانە خۆت لە چەوری پێست رزگار بكەیت.

رۆژانە هەوڵبدە دەموچاوت پاك بكەیتەوە لایەنی كەم دووجار بیشۆ لە رێی پاكەرەوەی گونجاو و تایبەت بە پێستی چەور، لەهەمانکاتدا دەکرێت لەگەڵ ئەوەشدا بەم پێكهاتانە لە ماڵەوە ماسكێكی سروشتی بۆ پێستە چەورەكەت بكەیت.

ماسكێك بۆ پاراستنی پێست و مانەوەی بە درەوشاوەیی و پێستێكی زیندوو:
سپێنەی هێلكە و نیو كوپ ئاوی لیمۆ و كەوچكێك هەنگوینی سپی و رەش و كەوچكێك ئاوی كانزایی تێكەڵ بكە و بیدە لە روخسارت بۆ ماوەی نیو كاتژمێِر دواتر جوان بیشۆ.

ماسكێك بۆ موغەزی دان بە پێستەكە و پاراستنی لە كاریگەرییەكانی دەرەوە و جوانكردنی:
دوو كەوچك لە هاڕراوی شۆڤان
چارەكە كوپێك لە ماستی زوبادی
كەوچكێكی گەورە ئاوی لیمۆ
كەوچكێكی بچوك ئاوی گوڵ
سەرجەم پێكهاتەكان تێكەڵ بكە و بیدە لە روخسارت بۆ ماوەی 10 خولەك.

ماسكێك بۆ زیندووكرنەوەی پێستە مردوەكان و رزگاربون لە زەیتی زیادەی پێست و خاڵە رەشەكان:
دوو كەوچك لە هارراوی بادامی تاڵ
سێ كەوچك هەنگوینی سپی
سەرجەم پێكهاتەكان تێكەڵ بكە و بیدە لە روخسارت بۆ ماوەی 15 خولەك.

یاخود دەتوانیت سركەی سێو و ئاوی كانزایی تێكەڵ بكەیت و بە لۆكە بیدەیت لە پێستەكە بۆ ماوەی 15 خولەك و دواتر بیشۆیت.


خەندان