درێژبوونەوەی قژ ئاسان نییە و کاتی دەوێت و پێویستە ئارامبیت و چاوەڕێ بکەیت بۆ ئەوەی تەواو قژ درێژبێتەوە بەو ئاستەی خۆت دەتەوێت، جولیه‌ن فاره‌ل که‌ یەکێکە لە شارەزایانی بواری جوانکاری و خاوەنی سەنتەری جوانکاری NYC دەڵێت "قژی زۆر کورت، یان ستایلی کڵاوی بۆ ئافره‌تان زۆر به‌ جوانی ده‌موچاویان ده‌رده‌خات بەڵام ئەگەر دەتەوێت قژ درێژبێتەوە پێویستە سەبر بگریت"، ناوبراو لەگەڵ ئەوەشدا هەندێک رێنمایی گرنگ بڵاودەکاتەوە بۆ ئەو خانمەنی دەیانەوێت قژیان درێژبێتەوە.
1-هه‌ڵبژاردنی خواردنی گونجاو و تەندروست که‌ پێکهاتووه‌ له‌ تێکه‌ڵه‌ی پرۆتین و ڤیتامینی به‌سوود که‌ توانای هه‌یه‌ ته‌ندروستی قژت باشتر بکات، چونکە خواردنی گونجاو و شیاو کار لە له‌ تاڵه‌کانی قژت ده‌کات که‌ زۆر به‌ ئاسانی نه‌شکێنه‌وه‌، د.گێرڤس گێرسنێر ئامۆژگاری خانمان داکات که‌ ماسی سەلمون و بادام بخۆن، به‌ڵام زیاده‌رۆی له‌ رێجیم دا کاردانەوه‌ی خراپی هه‌یه‌ له‌سه‌ر ته‌ندروستی قژت.
2- زانیاریه‌کی زانراوه‌ که‌ گه‌رمی زۆر خراپه‌ بۆ قژ، به‌تایبه‌تی ئه‌گه‌ر قژه‌که‌ زۆر ته‌ندروست نه‌بێت، بۆیه‌ به‌کارهێنانی ئوتو و ڤێر بۆ قژت له‌ هه‌فته‌یه‌کدا3 جار زیاتر زیانی هەیە، دکتۆر گێرسنێر ئامۆژگاریت ده‌کات که‌ که‌متر قژت بخه‌یته‌ به‌ر خۆر، چونکه‌ ده‌بێته‌ هۆی وشکبوونه‌وه‌ی قژ.
3-به‌کارهێنانی ڤیتامین و حه‌مام زه‌یت تایبه‌ت به‌ جۆری قژی خۆت، چونكه‌ پارێزگاری له‌ گه‌شه‌كردنی قژ ده‌كات.
4- دڵەڕاوکێ کاریگەری له‌سه‌ر قژت هه‌یه‌ ، پێویستە که‌هه‌فتانه‌ مه‌ساجێکی باش بکه‌یت بۆ ئیسراحه‌ت پێکردنی مێشکت و لاشه‌ت، یان وەرزش ئەنجام بدەیت.


خەندان