لەپێشوودا خواردنەكان لەسەر شێوەی كەرەستەو كەلوپەل و گیانداران ئامادە دەكران، مەبەست لەو چەشنە كارەش سەرنجڕاكێشان و كارێكی ناوازەیە، دواجار هونەرمەندێكی پەیكەرتاش كارێكی دیكەی ئەنجامدا، كە پێچەوانەی بەرهەمەكانی دیكەیە، ئەو هونەرمەندە ناوی (سیجی كاواساكی)ـەو چەندین شێوەی خواردن و میوە و سەوزەی لە دار دروست كردووە، جوانیی كارەكەی كاواساكی لەوەدایە كە ئەوەندە بە وردی كاری لەسەر كردووە، تا گازێك لەو میوە و سەوزە و خواردنانە نەدەیت، هەست ناكەیت كە لە دار دروست كراون، وەكو خۆی دەڵێ: هەر پارچەیەك لە كارەكانم، نزیكەی (3 تا 4) كاتژمێر پێوەی خەریك دەبم تا ئەو شێوەی مەبەستمە دەردەچێت.
