هەندێک کات خانمان ڕەنگی قژیان دەگۆڕن و نوێی دەکەنەوە، بەڵام دواتر ڕەنگەکەیان پێ جوان نیە و ئارەزووی گۆڕینی دەکەن، بەڵام ناتوانن، چونکە دووجار بەکارهێنانی بۆیە و ڕەنگە کیمیاییەکان زیانی هەیە لەیەک کاتدا و تەواوی قژت دەسوتێنێت و بەرەو هەڵوەرینی دەچێت.
بەڵام چی دەکەیت لەکاتێکدا دەبینیت لە ئاوێنەدا ڕەنگی قژت پێ ناشرینە و هەست بە شەرمەزاری دەکەیت، بۆ ئەوەی زیان بە قژت نەگەیەنیت ڕێگایەکی دیکە پەیڕەوبکە بۆ ئەوەی خێرا ئەو ڕەنگە بڕوات کە پێت جوان نیە، کوپێک سرکە و زەیتی سروشتی وەک زەیتی زەیتون تێکەل بکە و بیدە لە قژت و مەساجی پێبکە بۆ ماوەی 15 خولەک دواتر بە ئاوی شلەتێن قژەکەت بشۆ، دووبارەی بکەرەوە بەهەمان خولەک و پاشان بە شامپۆ بیشۆ.
بەم ڕێگایە تۆ ڕێگری لە جێگیربوونی ڕەنگە نوێیەکە دەکەیت و هەفتانە دووجار ئەم کارە ئەنجام بدە، چونکە سرکە ڕێژەیەکی زۆر ماددەی دژە ئۆکسانی تێدایە و زەیتی زەیتونەکەش خۆراک دەدات بە قژەکە و ڕێگە دەگرێت لەوەی زیانی پێ بگات.


خەندان