ئەگەر دانەیەكی لەو جۆرە ئەڵقە و ئەنگوستیلانەت لە پەنجە بێت، ئیدی ناتوانی چاوت لەسەر جوانی و ناسكی دیمەنی نێو بەشی سەرەوەی هەڵبڕیت، چونكە چەندین نەخش و دیزاین و دیمەنی سەرنجڕاكێشی بۆ كراوە، وا هەست دەكەی شاكارێكی هونەرییە، ئەوەش لە كارە ناوازەكانی كەسێكی كەنەدییە بە ناوی (فلاین ماتیۆ). ئەوەی سەیرە ئەو ئێكسسوارانە لە ئاسن و ماددەی رەق نییە، بەڵكو لە داری رەسەن دروستكراوە كە بە (Secret Wood) ناسراوە، بە جوانترین ئێكسسواری داربەند دادەنرێت.
