هەمیشە مرۆڤ خۆی لەپیربوون و چرچ و لۆچی روخساری دەپارێزێت، چونكە هەموومان دەمانەوێت جوان و بە گەنجی دەربكەوین، بەڵام ئاگاداریش نین، هەندی نەریتی رۆژانە هەن كە زووتر پیرمان دەكەن و روخسارمان تێكدەدەن، بەتایبەت روخساری ئافرەتان، بۆیە هەوڵبدە خۆت لەو نەریتانەی خوارەوە بپارێزیت، تا پێستی دەموچاوو لەشولارت، جوان و نەرم و ناسك بن:
نابێت بە یەكجاری خۆت لە چەوری بپارێزیت، بە بیانووی خۆلاوازكردن، دەتوانی ئەو چەورییانە بخۆیت كە (ئۆمیگا-3)ی تێدایە.
نووستن لەسەر لاتەنیشت ئەگەرچی بۆ پشت باشە، بەڵام بۆ رووخسار زیانی هەیە، پێست لەسەر دەقێك تا بەیانی دەهێڵێتەوە، ئەو كارەش مەكەو لەسەر پشت بخەوە، هەورەها خۆت لە جگەرەكێشەكان بەدوور بگرە، لە بیرمەكە خۆت لە تیشكی هەتاویش بپارێزە، مەهێڵە لە شوێنێكدا بیت، كە زۆر گەرم بێت، با خەوت لە (7) كاتژمێر كەمتر نەبێت، لە دوودڵی و نیگەرانیش خۆت بە دوور بگرە.