ره‌نگه‌ به‌هۆی ستایله‌ باوه‌كانی قژی كورته‌وه‌ قژه‌كه‌ت ببریت، به‌ڵام دواتر ده‌ته‌وێت زۆر خێرا درێژبێته‌وه‌ یان قژت بێهێز بووه‌ و توانای درێژبوونه‌وه‌ی كه‌مه‌، بێگومان قژی درێژیش خه‌ونی هه‌موو خانمێكه‌، گیراوه‌ و پێكهاته‌ی زۆریش هه‌یه‌ بۆ درێژبوونه‌وه‌ و به‌هێزبوونی توانای قژ به‌ڵام ره‌نگه‌ هه‌ر تاكێك جۆری قژه‌كه‌ی جیاواز بێت و جۆره‌ گیراوه‌یه‌كی بۆ بگونجێت.
ئه‌م ئاوێته‌ نوێیه‌ یه‌كێكه‌ له‌و تێكه‌ڵانه‌ی زۆر كاریگه‌ره‌ و زۆر به‌خێرای قژ به‌هێز ده‌كات، بریتیه‌ له‌:
زه‌یتی گه‌رچه‌ك
زه‌یتی زه‌یتون
پیازێكی قه‌باره‌ ناوه‌ند
ئاو به‌پێی پێویست
2 سیر
چۆنێتی دروستكردنی:
ئاوه‌كه‌ گه‌رم بكه‌، پاشان سیر و پیاز و زه‌یتی زه‌یتون و گه‌رچه‌كه‌كه‌ی تێبكه‌، دوای ئه‌وه‌ی ئاماده‌ بوو بیده‌ له‌ قژه‌كه‌ت به‌ڵام تاڵێك به‌جێنه‌هێلێت به‌جوانی بیده‌ له‌ هه‌موو به‌شه‌كانی قژت بۆ ماوه‌ی شه‌وێكی ته‌واو پێوه‌ی بێت و بۆ رۆژی دوای قژه‌كه‌ت به‌جوانی بشۆ.
هه‌وڵبده‌ زیاتر له‌ جارێك له‌ هه‌فته‌یه‌كدا ئه‌م ماسكه‌ بۆ قژ بكه‌یت، پاش ماوه‌یه‌ك ئه‌نجامێكی باشی ده‌بێت.

خەندان