جوانی و سەرنجڕاکێشی چاوەکانت بەشێکی دەگەرێتەوە بۆ برژانگەکانت، به‌ته‌نها رازاندنه‌وه‌ی و به‌كارهێنانی ماسكارا و ماكیاژ جوانی برژانگەکانت دەرناکەوێت، ده‌بێت به‌رده‌وام به‌ پێكهاته‌ سروشتیه‌كان برژانگه‌كانت درێژ بكه‌یته‌وه‌، ده‌توانیت به‌ به‌كارهێنانی ئه‌م پێکهاتانە ئه‌نجامێكی باش ده‌ست بكه‌وێت و له‌ماوه‌یه‌كی كورتدا و به‌ خێرای برژانگت درێژ بێته‌وه‌.
زه‌یتی گه‌رچه‌ك و هه‌ویری خورما:
4-5 خورما بكه‌ به‌ هه‌ویر و بیخه‌ره‌ سه‌ر ئاگر دوای ئه‌وه‌ی جوان نه‌رم بۆوه‌، به‌ خه‌ڵاته‌ له‌گه‌ڵ زه‌یتی گه‌رچه‌ك تێكه‌ڵی بكه‌ و بیخه‌ره‌ قوتویه‌كی ماسكارای به‌تاڵه‌وه‌ و رۆژانه‌ بیده‌ له‌ برژانگه‌كانت.
هه‌نگوین و زه‌یتی بادام
كه‌وچكێك زه‌یتی بادام و كه‌وچكێك هه‌نگوین تێكه‌ڵ بكه‌، بیخه‌ره‌ قوتویه‌كی به‌تاڵی ماسكارا و رۆژانه‌ به‌كاریبهێنه‌ به‌ فڵچه‌ی ماسكارا.
زه‌یتی زه‌یتون:
رۆژانه‌ ده‌توانی به‌ فڵچه‌ی ماسكارا زه‌یتی زه‌یتون به‌كاربهێنیت بۆ برژانگه‌كانت، چونكه‌ ده‌وڵه‌مه‌نده‌ به‌ ڤیتامین ئی كه‌ یارمه‌تی پاككردنه‌وه‌ و درێژكردنەوە و گه‌شانه‌وه‌ی برژانگت ده‌دات.
بۆ ئه‌وه‌ی برژانگه‌كانت له‌ گه‌شه‌دا بن و به‌رده‌وام به‌ جوانی بمێننه‌وه‌ رۆژانه‌ 5 خوله‌ك پێش به‌كارهێنانی ماسكارا به‌ فڵچه‌یه‌كی ماسكارا ده‌توانیت كرێمی ڤازلین بده‌یت له‌ برژانگه‌كانت، هه‌میشه‌ كاتێك ماسكارا به‌كارده‌هێنیت تا چینی یه‌كه‌م وشك نه‌بێته‌وه‌ چینی دووه‌می لێمه‌ده‌ بۆ ئه‌وه‌ی یارمه‌تی برژانگت بده‌ی به‌ سروشتی هه‌وا وه‌ربگرێت.