بۆن و بەرامە، یەكێكە لە سەرەكیترین هۆكار و هەنگاوەكانی جوانكاری، ئەگەر خانمێك جلێكی پۆشتەی لەبەر بێت و گرنگی تەواویشی بە خۆی دابێت، ئەگەر بۆنی شایستەی نەبێ، ئیدی هەوڵەكانی بە هەدەر رۆیشتوون و تەنیا ماندووبوونی بۆ ماوەتەوە، چونكە بۆن سەرچاوەی سەرنجڕاكێشان و مەستكردنە، وەكو دەزانین لە هەر وەرز و كاتێكدا جۆری بۆنەكان گۆڕانكارییان بەسەردا دێ و مۆدی تازە دەردەكەون. گرنگە لە بارەی بۆنەوە ئەو (3) لایەنە رەچاو بكەیت: پێكهاتەی بۆن، جۆر و هێزی بۆنەكە. هەروەها دەبیت زانیاریشت لە بارەی ئەو بۆنەوە هەبێـت، ئاخۆ بۆ شەو، یان بە رۆژ بەكاریدەهێنیت. لە دواترین بژاردەكانی بۆن و بەرامەدا، كە لە وڵاتی بەریتانیا ئاماژەی بۆ كراوە، ئەو بۆنانەی خوارەوەن:
خەونی پەرت -SCENT OF A DREAM یەكێكە لەو بۆنانەی كە زیاتر لەلایەن خانمانی رۆژهەڵات بەكاردەهێنرێن، بۆ كاتەكانی رۆژ بەكاردەهێنرێت. برۆبێری رەش، MY BURBERRY BLACK جۆرە بۆنێكی دیكەیە و دەكرێت لە بەیانیان و ئێوارەشدا بەكاربهێنرێت، چونكە بۆنێكی ناسك و سووكە. تاینگەر Tangier Vanille_ شێوازێكی بۆنی ناوازەیە، بۆ شەوانە و یادەكانی ئێوارە لە جەستە دەدرێت. ئێرین – AERIN هەستێكی شیاوی هەیە، بۆ شەوان و ئێوارانیش بەكاردەهێنرێت.