راهێنان و مەشقكردنی رۆژانە، هەنگاوێكە تا لەش و لارت بە جوانترین شێوە توند تۆڵ و پتەو بێت، نەوەك وەك ئەو خانمانە بیت كە جەستەیان شێواوە و نەرم و شلن، تەنانەت خۆشیان لە جەستەی خۆیان بێزارن و زۆر جاریش هیچ جلێك لەبەریاندا ناگونجێ، تۆش وەك خانمێك هەوڵبدە لەم چەند راهێنانانەی خوارەوە، مەشق بكەیت و تا جەستەت جوانترین و شێوازێكی جوانت پێبەخشێ، لە دوور و نزیكدا سەرنجڕاكێش و بەرچاو بیت، ئەو مەشقانە بۆ توند و تۆڵكردنی ماسوولكەكانی ران و بەشی دواوە و قوڵ و باسكە، ئەگەر مەشقەكانت بە جوانی كرد، كار دەكاتە سەر ماسولكەكانی دیكەش، هەر بۆیە ناوقەد و پشتت ورد و بچووك دەكاتەوە و بەمەش جەستەت رێك و شیك دەبێت :
- تا ماسوولكەكانی پێشەوەی ران و ناوقەد توند و رێك بێت، لەسەر پشتت درێژ بە و قاچەكانت بەرز بكەوە تا دەتوانی، بە مەرجێك كە چۆكت نوشتاو بێت، هەردوو قاچیشت بۆ خۆت رابكێشە بۆ ماوەی (5) چركە و پاشان قاچت بكەوەو هەمان ئەو شێوازە دووبارە بكەوە بۆ ماوەی (25) خولەك.
- تا ناوقەد و ماسوولكەكانی دواوەی ران جوان و رێك بێت، سەرەتا قاچت بەرز بكەوە ئەوەندەی دەتوانیت، پاشان پاشان راست بكە و خاولییەك یان پارچە قوماشێك بخە ژێر قاچەكانت، بە توندی بیگرە، واتە پاڵەپستۆ لە بنی پێیت بكەیت، پاشان پێیەكانت بە پێچەوانەوە رابكێشە تا دەتوانی بۆ ماوەی (15) چركە، ئەم مەشقەش رۆژانە بۆ ماوەی (15) خولەك دووبارەی بكەوە.
- ئەو مەشقانەی بۆ هەموو ماسوولكەی جەستە بەسوودن و ئەگەر بەردەوام بیت، بۆ هەمیشە لەش و لارت توند و تۆڵ دەبێ و وەك ئەوەی جەستەیەكی شیك و رێكت دەبێت، كە لەم هەنگاوانەوە سوودیان لێی دەبینیت :
- هەر مێزێكت لەلات بوو، یان كەرەستەیەك كە لێواری هەبێ، سەرەتا لەسەر لای چەپە درێژبە و قاچی چەپەت بنووشتێنەوە با لەسەر مێزەكە بێ.
- پاشان هەر ئەو قاچە درێژ بكە و بیخە سەر لێواری مێزەكە، با جارێ قاچی راستەت پشوو بدات.
- پاشان دووبارە بەم جۆرە بۆ قاچی راستە، واتە لەسەر لای راستە درێژبە و قاچت بنووشتێنەوە لەسەر لێواری مێزەكە، ئەم راهێنانە بۆ ماوەی (20) خولەك سوود و ئەنجامێكی گەورەی دەبێ بۆت.
- لەو كاتەی راوەستاوی، هەوڵبدە قاچەكانت هەندێك بكەیتەوەو لە تەنیشت یەكتریان دامەنێ، چونكە ئەوە مەشقێكە بۆ خۆی و ماسولكەكانی قاچ و ران توند و تۆڵ دەكات.