هەندێک یاخود بەشێکی زۆری خانمان کێشەی سوتان و ناشرین بوونی قژیان هەیە، بەهۆی بەکارهێنانی پێکهاتە و ڕەنگی کیمیایی، یان بەکارهێنانی گەرمی بۆ ڕێکردن و خاوکردنەوەی قژیان و وشککردنەوەی، لە ئەنجامدا سەر تاڵەکانیان تیژ و بژ دەبێتەوە ناشرین دەبێت.

هەموو ئەمانەش دەبێتە هۆی ئەوەی خانمان ناچاربکات قژیان ببڕن و بۆ ئەوەی لەو کێشەیە ڕزگاریان بێت، لەگەڵ ئەوەشدا هیچ کێشەیەک بێ چارەسەر نیە و دەتوانیت لەڕێگەی بەکارهێنانی ئەم جۆرە پێکهاتانەوە خۆت لەو کێشەیە ڕزگار بکەیت.

زەیتی گوێزی هیندی
دوایی ئەوەی قژەکەت دەشۆیت و بە خاولی وشکی دەکەیتەوە، سەر تاڵەکانی قژەکەت بە زەیتی گوێزی هیندی چەور بکە و بەرزی بکەرەوە بیبەستە بۆ ماوەی 30 خولەک، پاشان بە شامپۆ قژەکەت بشۆ و هەفتانە یەکجار ئەم کارە دووبارە بکەرەوە.

ئەڤۆگادۆ
ئەڤۆگادۆ و هێلکە و کەمێک زەیتی زەیتون تێکەڵ بکە، پاشان بیدە لە قژەکەت بۆ ماوەی 20 خولەک و دواتر بە ئاوی شلەتێن بیشۆ.

هەنگوین و زەیتی زەیتون
ئەم تێکەڵەیە چارەسەرێکی زۆر گونجاوە بۆ ئەو کەسانەی قژیان وشکە، لەهەمان کاتدا بریقە دەدات بە قژت، سێ کەوچک زەیتی زەیتون و دوو کەوچک هەنگوین تێکەڵ بکە و بیدە لە قژەکەت بۆ ماوەی 20-30 خولەک دواتر قژەکەت بشۆ بە شامپۆ.

خەندان