ماڵپەڕێکی بەریتانی، باس لەوە دەکات کە ھەڵبژاردنی جلوبەرگ لای ئافرەتان، دڵەڕاوکێیان بۆ پەیدا دەکات.

بە پێی ڕاپۆرتێکی ماڵپەڕی (دەیلی مەیل)ی بەریتانی، لە دوایین لێکۆڵینەوەکان ئەوەیان ئاشکرا کردووە، کە ھەر ئافرەتێک شەش مانگ لە ژیانی کاری خۆیدا، سەرقاڵی ھەڵبژاردنی جل و بەرگییەتی، واتە لە ڕۆژێکدا 17 خولەک و ساڵی چوار رۆژ لە نزیک دۆڵابی جل و بەرگیانن.

بەڵام کێشەکە ھەر ئەوە نییە، چونکە ئەو نیگەرانییانەی ھەڵبژاردنی جلی شیاو دڵەڕاوکێ و تووڕەیی دروست دەکات، ئەمەش کاریگەری لەسەر ژیانی ھاوبەش ھەیە و بە گوتەی دوو ھەزار لە ژن و پیاوانە بووەتە ھۆکار تا بە درێژایی ئەو ڕۆژە تووڕە بن.

ئامارەکایش بەمشێوەیەیە:
- لە ھەر پێنج پیاوێک، یەکێک ھێمای بۆ ئەوە کردووە، کە ژنەکەی کاتی ھەڵبژاردنی جل و بەرگ ماڵەوە تێک دەدات.

- لە ھەر 10 ئافرەت، یەکێکیان بەھۆی دوو دڵی (وەسواسی) لە ھەڵبژاردنی پۆشاک، درەنگ دەگاتە سەر کارەکەی.

- لە لێکۆڵینەوەکەشدا ھاتووە کە 21%ی خانمان گوتوویانە: "ئەو ھۆکارە بووەتەتە ھۆی دابڕانمان لە ھاوڕێکانمان".
- یەکێک لە ئەنجامە سەرسوڕھێنەرەکانی لێکۆڵینەوەکە ئەوە بوو، کە لە دۆلابێکدا 152جۆر جلی تێدایە تەنیا 44%ی ئەو جلانە بە شێوەیەکی ڕێکوپێک بەکار دەھێنرێن.

باسنیوز