بەشێک لە مرۆڤەکان کێشەی هه‌ڵئاوسان روخساریان هه‌یه‌ له‌ به‌یانیاندا، چونکە زۆر هەستیارن کاتێک لە خەو هەڵدەستن دەموچاویان هەڵدەئاوسێت و شێوەیەکی ناشرینیان پێدەدات، ره‌نگه‌ بۆ ئه‌م مه‌به‌سته‌ زۆر چاره‌سه‌ریان به‌كارهێنابێت و ئه‌نجامه‌كه‌ی بێ سود بوبێت، شاره‌زایانی بواری جوانكاری ئامۆژگاری خانمان ده‌كه‌ن بۆ چاره‌سه‌ری هه‌لئاوساوی روخساریان ئه‌م ئاوێته‌یه‌ به‌كاربێنن.

نیو قاش خه‌یار
3 كه‌وچكی بچوك بوندوق
2 كه‌وچكی بچوك ئاوی دڵۆپێنراو

شێوازی دروستكردنی:
سه‌رجه‌م پێكهاته‌كان به‌ خه‌ڵاته‌ جوان تێكه‌ڵ بكه‌ تا ده‌بێته‌ هه‌ویرێك و بیخه‌ره‌ شوشه‌یه‌كی به‌تاڵه‌وه‌.

پاشان بیكه‌ره‌ ساردکەرەوەوە و رۆژانه‌ به‌یانیان ده‌توانیت به‌كاریبێنیت به‌ لۆكه‌یه‌ك بیده‌یت له‌ روخسارت.

پێویسته‌ ئاوێتەکەت به‌شی هه‌فته‌یه‌ك زیاتر نه‌بێت تا كۆن نه‌بێت و ئه‌گه‌ر چاوه‌كانیشت هه‌ڵده‌ئاوسێت ئه‌وا ده‌توانیت له‌گه‌ڵ به‌كارهێنانی ئه‌و ماسكه‌ی روخسارت 2 پارچه‌ خه‌یار بخه‌یته‌ سه‌ر چاوه‌كانت بۆ چه‌ند خوله‌كێك له‌ به‌یانیان به‌كاریبێنیت.