هەمووان ئارەزووی بۆن دەکەین و ڕۆژانە بەکاریدەهێنین، بەڵام ڕەنگە نەزانین چۆن بەڕێگایەکی تایبەت بیدەین لە خۆمان تا بۆ ماوەیەکی درێژ بمێنێتەوە، ئەم چەند خاڵەی خوارەوە ڕێگایەکی نوێیە بۆ لێدانی بۆن لە هەموو بەشەکانی لەشت، تا زیاتر بمێنێتەوە.

1-کاتێک دەتەوێت بۆن بدەیت لە قژت خێرا بۆنەکە مەپرژێنە، چونکە قژەکەت وشک دەکاتەوە، لەپێشدا بۆنەکە بدە لە شانەکەت دواتر بیهێنە بە قژتدا.2-ئەگەر بۆنەکەت کەمی تێدا مابوو، دەتوانیت ئەو بەشە بخەیتە ناو کرێمە تایبەتەکەتەوە دووبارە بەکاریبهێنیتەوە.3-کاتێک بۆن تاقیدەکەیتەوە و دەیدەیت لە مەچەکت، دواتر بۆنەکەت بەدڵ نییە دەتەوێت زوو بڕوات، ئەوا چارەسەری ئاسانە کلێنسی لابەری ماکیاژ بەکاربهێنە.4-کاتێک دەتەوێت بۆنێک هەڵبژێریت، کارتی تایبەتی یان پارچە کارتۆنێک بەکاربهێنە و بۆنەکەی لێبدە، چونکە زیاتر یارمەتیدەرە لە دەرخستنی بۆنەکە بە ڕوونی و زۆرتر پێوەی دەمێنێتەوە.5-کاتێک بۆن هەڵدەبژێریت خێرا لەسەر تەڕی بۆنی مەکە، چاوەڕێبکە تا وشک دەبێتەوە بۆنەکە ڕوونتر دەبێتەوە و وشک دەبێتەوە.6-بۆ ئەوەی بەردەوام بۆنەکە نوێ بکەیتەوە، پێویستە ناکات شوشەی بۆنەکەت لەگەڵ خۆتدا بەریت، پێش دەرچوونت بیدە لە پاکەرەوەی گوێ و لە کیسەیەکی پلاستیکیدا هەڵیبگرە، دواتر لەکاتی پێویستدا بەکاریبهێنە.
7-پێستی وشک بەشێوەیەکی گشتی بۆن ڕەتدەکاتەوە، لەبری ئەوە ڕۆژانە پێش بۆنەکە کرمێک بدە لە پێستەکە دواتر بۆنەکە بەکاربهێنە.8-لەهەر بەشێکی لەشت کە دەتەوێت بۆنەکەت جێگیر بێت، کەمێک ڤازلینی پێش بۆنەکە بەکاربهێنە.9-هەمیشە بۆنەکانت لە جێگەی وشک و ساردا هەڵبگرە، بەو شێوەیە زیاتر پارێزراوە.10-لەدوای خۆشتن خێرا بۆن بەکاربهێنە، چونکە کونیلەکانت کراوە و پاکبوونەتەوە، باشتر بۆنەکە هەڵدەمژێت.
11-کاتێک بۆنەکە دەدەیت لە مەچەکت، هەردوو مەچەکت لەیەک مەخشێنە.

خه ندان