ماسكارا یەكێك لە گرنگترین كەلوپەلەكانی جوانكارییە كە ئافرەتان دەبێ بەكاری بهێنن.

تەنانەت ئەگەر ئێوە زۆر بە شێوەی پیشەییش نەتوانن ماکیاژ بكەن، بەڵام دەبێ بۆ ماکیاژی چاو لە ماسكارا كەڵك وەربگرن.

ماسكارا لەڕووی جۆرەوە زۆرن، هەندێك برژانگ درێژتر و هەندێك پڕتری دەكەن. تەنانەت لەڕووی رەنگیشەوە ماسكاراكان جۆراوجۆر بوون. لەبەرئەوەی ماسكارا پەیوەندیی ڕاستەوخۆی لەگەڵ چاو هەیە، دەبێ لە جۆری ماركە و بە چۆنیەتیی زۆر باش هەڵبژێردرێت و پارەی باشی بۆ تەرخان بكەن.

هەموو ماسكارایەك پاش 3 تا 4 مانگ بەكارهێنان بەرەبەرە وشك دەبێ و ناتوانین بە باشی كەڵكیان لێ وەربگرن، كەواتە ماسكارایەك كە تازە كڕیوتانە و زۆر بەكار نەهاتووە وشك بووەتەوە. چی بكەین تا بتوانین دووبارە بەكاری بێنینەوە، بۆ ئەمە دوو ڕێگە هەیە:

یەكەم ڕێگە: یەكەم شێوازی دووبارە بەكارخستنەوەی ئەو دڵۆپانەن كەلە چاو دەكرێن. پێویستە 2 تا 3 دڵۆپە بكەنە نێو ماسكاراكە و جوان بیشڵەقێنن.

دووەم ڕێگە: بۆ شێوازی دووەم بۆ چارەسەریی وشكبوونی ماسكارا دەتوانن لە ڕۆنی زەیتوون كەڵك وەربگرن. ئەویش پێویستە 2 تا 3 دڵۆپ ڕۆن زەیتوون بكرێتە نێو ماسكاراكە و جوان بیشڵەقێنن، ڕۆن زەیتوون خۆی یەكێك لە باشترین بەهێزكەرەوەكانی برژانگە.


باسنیوز