زۆربەی مۆد و جل و كەرەستەكانی جوانكاری گۆڕانكارییان بەسەردا دێ، تا وەك شێوازێكی تازە لە ساڵی نوێدا بكەوێتە بەر دەستی كچان و ئافرەتان، یەكێك لە گرنگترین ئەو جلانەی كە خەونی زۆربەی كچان و خانمانە، جلی بووكینی و كراسی بەدللەیە، ئەو جلە تا چەندە رازاوە و جوان بێت هێشتا كەمە، لە ساڵی رابردوودا مۆدی كراسی بووكی سەرەوە تەسك سادە و خوارەوە كراوەی بە نەخش بوو، زیاتر ئەو مۆدە باو بوو، بەڵام لە ساڵی تازەدا كراسی شێوەی بۆدی و تەسك لە سەرەوە تا خوار، دەبێتە مۆدی سەرەكی جلی بووك، لێرەوە ئاشنای ئەو مۆدە تازانەی جلی بووك بە :
- شێوازی (مۆنیك لیۆلیر - MoniqueLhuillier)، كە لە شێوازێكی تەسك و نەخشی گوڵدارەوە پێكدێ و هەروەها بۆ ئەوانەش دەبێ كە كێشی جەستەیان زۆرە و دایاندەپۆشێ.
- شێوازی (كارۆلینا هیرێرا - Carolina Herrera)، ئەو جۆرە كراسەیە كە لە شێوەی كراسی پەری دەریایە، لەلای ئەژنۆكانەوە تەسك دەبێتەوە تا خوارەوە.
- شێوازی توول، ئەو جۆرە كراسەیە كە دووگمە و ئێكسسوارەكانی لە وردە كریستاڵ و زیوو و نەخشی جۆراوجۆر رازاوەتەوە، سادە نییە و سەرنجڕاكێش و قەرەباڵغە لە دیوی پێشەوەی كراسەكەدا.
- شێوازی (نەرم – Soft)، ئەو جۆرە مۆدە، لە قوماشی نەرم دروست دەكرێت و لە سەرەوە تا خوارەوە سادە و بەبێ نەخشە، قوماشەكەی لە خۆوە دەوەستێ و لەسەر جەستەدا كراوە دەبێ، لە سەرەوە بەبێ قۆڵە و دەشتوانی قۆڵەكانی بە كراسەوە ببەستیت.
- شێوازی كراس و پانتۆڵی چارڵس – Charles )، مۆدێكی تازەیە لە كراسی بووكدا، بۆ ئەوانەیە كە حەز بە كراس ناكەن، دەتوانی كراسی بووكی چارڵس كە پێكهاتووە لە سەرەوە كراس و خوارەوەش پانتۆڵ، لە رەنگی سپییە و نایابە بۆ جوانی لەش و لاردا.