دیوانە شیعر
June 17, 2014
رەنگا و ڕەنگ
دیدەم وە دیدەت شای شیرین چەمان
فیراقت قامەت کەردەن وە کەمان
مەزاق یەند تالیی دووریی تۆ چەشتەن
هووناوەکەی چەم سەرزەمین ڕەشتەن
سەر پەیکانەکەت بڕیەن ڕشتەی دڵ
وە ئاسۆر کەفتەن دایم مدۆ چڵ
سەمتۆور سینەم وە زایەڵەی بەرز
مەژەنۆ نەوای دووریت وە صەد تەرز
بڵێسەی کوورەی دەروون گرتەن تاو
نەبۆتەی خەمدا دەروون کەرد وە ئاو
گلاراوەکەی جە تۆ جیامەن
وەخت لواکەی ئەوە نامامەن
پووشەکەی هەستیم گیاکەی پای چەم
وای نیستیی فەنا بەردش عەدەم
