هاوڕێیەتی و خۆشەویستی، دوو بەهێزترین پەیوەندی نێوان دوو كەس یان دوو لایەن دروست دەبێ. وادیارە ئەو پەیوەندییە لەلای گیاندارانیش بەرچاو دەكەوێ. ئەوەتا لە كەنداوی (جاوا)ی وڵاتی ئەندوونیسیا، مەیموون و مریشكێك وەك دوو گیانداری نزیك لەیەكتر مامەڵە دەكەن، رۆژانەش بەیەكەوە یاری و گەڕانی خۆیان دەكەن. وەك خاوەنی ئەو دوو گیاندارە هەستی پێكردووە، كە هاوسۆزییەكی بەهێز لە نێوان ئەو مریشك و مەیموونە هەیە، تەنانەت زۆربەی كات بەیەكەوەن، وەك ئەوەی پەیوەندییەكی خۆشەویستی لە نێوانان هەبێت.
