چەندین جۆرە ماكیاژ هەن بۆ گشت بەشەكانی جەستە، هەر یەكە پێویستی بە شێوەیەكی تایبەتە، كە هەر مۆدەیەك لەو مۆدانە، دەبێ بە خواست و ویستی ئەو كەسە لێبدرێ، زیاتر ماكیاژەكان بۆ رووخسارە، كە ئەویش چەند بەشێكی لێدەكەوێتەوە لەوانە : ماكیاژی چاو – ماكیاژی لێو –ماكیاژی ئەساس كە بۆ رووخسار ئەنجام دەدرێ، ئەوەی لێرەدا و لەم وەرزەدا گرنگییەكی ئەوتۆی هەیە،ماكیاژی لێوە، یان سووراو كردنی لێو و بۆیە كردنە، هەر یەكێك لەو هەنگاوانە شێوازێكە بۆ جوانكردنی لێو بە چەندین شێوەی جۆراوجۆر، ئەو ماكیاژ و شێوازانەی بۆ لێو ئەنجام دەدرێ ئەوانەن: رەنگ كردن و هێلكاری لێواری لێو و بە بریقە كردن و دانانی رەنگی تۆخ و سادە، لە وەرزی هاویندا رەنگ و بۆیەی لێو دەبێ تۆخ بێ، هەروەها ئەو رەنگانەی بەكاردەهێنرێن بۆ لێو زیاتر: سوور – پەمەیی، هەر یەكە بە جۆرێكی زیاتر دەڕازێنرێتەوە كە كاڵ یان تۆخ بكرێ، لەگەڵ هەنگاوی كۆتایی كە بە بریقە كردنە یان بە شێوەی خۆی دەمێنێتەوە و بەبێ بریقە دەبێ، كە ئەوەش كەرەستەی خۆی هەیە وەك بۆیە و فڵچەی بریقەدار كردن، ئەوەش زیاتر بەپێ خواستی ئەو كەسە دەوەستێ كە ماكیاژ بۆ لێوی ئەنجام دەدات.
