دروستكردنی كەرەستە دوور لە شێوەی ئاسایی خۆی، مانایەكی سەیر دەدات و تەنانەت دەبێتە رێگەیەكی جوان و سەرنجڕاكێش بۆ گشت لایەك، وەك دروست كردنی ئەو دەمانچە بچووكە، هەموومان دەزانین كە شێوەی دەمانچە چۆنە و چەندە، رەنگە هەندێكیان جیاوازییان هەبێ، بەڵام شێوەی سرووشتی دەزانین، كەچی یەكێك لە كۆمپانیاكانی وڵاتی نەمسا، بۆ دروستكردنی چەك، بچووكترین دەمانچەی دروست كردووە، كە نزیكەی (5) سەنتیمەتر دەبێت و دەتوانێ گوللە بهاوێژی نزیكەی (112) مەتریش گوللەكەی دەڕوات، ئەمەش بە سەیرترین دەمانچە دادەنرێت كە تا ئێستا دروست كرابێت.
