ژمارەی قوربانییانی ئەو تەقینەوەیەی چەند پاسێکی گواستنەوەی سەربازیی رژێمی سووریای کردە ئامانج، بەرز دەبێتەوە.

روانگەی سووری بۆ مافەکانی مرۆڤ بڵاوی کردووەتەوە، تەقینەوەکە، کە ئێوارەی رۆژی چوارشەممە 30-12-2020 رووی دا، ژمارەیەک پاسی گواستنەوەی چەکدارانی سوپای رژێمی سووریای لەسەر رێگای حمس - دێرەزوور، کردە ئامانج.

هەروەک روانگەی سووری رایگەیاندووە، بەهۆی تەقینەوەکەوە، 37 چەکداری رژێمی سووریا کوژران، کە هەشتیان ئەفسەر بوون و ژمارەیەکی دیکەش بریندار بوون.

روانگەی سوری ئاماژەی بەوەش کردووە، کە تەقینەوەکە لەلایەن چەکدارانی رێکخراوی تیرۆریستی داعشەوە ئەنجام دراوە و گەورەترین تەقینەوەی ئەو رێکخراوە تیرۆریستییەیە لە ساڵی 2020 لە ناوچەکانی ژێر دەسەڵاتی رژێمی سووریا.









باسنيوز