ئەمڕۆ پێنجشەممە راپۆرتێكی نێودەوڵەتی ئاشكرای كرد كە چەند وڵاتێكی هەژار لە جیهاندا تا ساڵی 2024 بەشی تەواوی دانیشتوانەكانیان ڤاگسینی دژە پەتای ڤایرۆسی كۆرۆنایان چنگ ناكەوێت.

ئەم هەواڵە لە كاتێكدایە كە چەند وڵاتێكی زلهێزی جیهان پێنج هێندەی ژمارەی دانیشتوان و پێداویستی ناوخۆیان، لە ئێستاوە ڤاگسینەكانیان پێشوەختە كڕیوە.

لە چەند رۆژی رابردوودا مرۆڤایەتی هیوای بۆ گەڕایەوە بە هەواڵی بەرهەمهێنانی ڤاگسینی دژە كۆرۆنا، بەڵام ئەمڕۆ گۆڤاری "فۆریێن پۆڵەسی" ئەمریكی نووسیویەتی ئەم هەواڵە خۆشە زۆر وڵاتی هەژاری جیهان ناگرێتەوە.

گۆڤارە ئەمریكیەكە ئاماژەی بەوە داوە كە بە تایبەتی هەندێك وڵاتی هەژاری جیهان تا ساڵی 2024یش تەواوی ڤاگسینەكەیان بەشی دانیشتوانیان پێناگات.

جێی باسە تا ئێستا وڵاتانی یەكێتیی ئەورووپا و دوو وڵاتی تر 2.2 ملیار ڤاگسینیان پێشوەختە كڕیوە، هەروەها وڵاتی كەنەدا پێنج هێندەی پێویستی ژمارەی دانیشتوانی خۆی ڤاگسینەكەی پێشوەختە كڕیوە.











ياسنيوز