ئەمڕۆ وەزارەتی تەندروستیی ئێران بڵاوی کردووەتەوە لە ماوەی 24 کاتژمێری ڕابردوودا لە سەرانسەری ئەو وڵاتە 462 کەس بەهۆی تووشبوون بە پەتای کۆرۆناوە گیانیان لەدەست داوە.

هاوکات بەپێی دوایین ئاماری ئیران کە ئەمڕۆ چوارشەممە لەزاری سیما سادات لاری گوتەبێژی وەزارەتی تەندروستیی ئێرانەوە بڵاو کراوەتەوە، لە 24 کاتژمێری رابردوودا 11 هەزار و 780 کەسی دیکە تووشی پەتاکە بوون.

لە سەرەتای سەرهەڵدانی پەتای کۆرۆناوە هەتا ئێستا لە ئێران 715 هەزار هاووڵاتیی ئەو وڵاتە تووشی پەتای کۆرۆناو بوون.

هاوکات هەتا ئێستاش 39 هەزار و 664 کەس هەر بەو بۆنەوە گیانیان لەدەست داوە.

بەپێ هەمان سەرچاوە هەتا ئێستا لە سەرتاسەری ئێران 536 هەزار و 105 کەس لە پەتای کۆرۆنا چاک بوونەتەوە.












باسنيوز