توركیا لەسەر پەلامارە تیرۆرستییەكەی نیسی فەرەنسا هاتە دەنگ
ئیبراهیم كاڵن، گوتەبێژی سەرۆكایەتی كۆماری توركیا، لە پێگەی خۆی لە تویتەر ئیدانەی هێرشەكەی سەر كڵێسای شاری نیسی كرد، كە سێ كەس كوژرا و یەكێك لە كوژراوەكانیش سەری بڕدرابوو.
كاڵن لە توێتەكەیدا دەنووسێت: ”ئێمە ئیدانەی ئەو هێڕشە تیرۆرستییە دەكەین كە كراوەتە سەر فەرەنسا، سەرەخۆشی لە گەلی فەڕەنسا دەكەین، تیرۆر دین و زمان و رەنگی نییە، ئێمە خەبات دەكەین دژی هەموو جۆرە تیرۆرێك“.
دوای ئەوەی نێوانی توركیا و فەرەنسا بەهۆی بڵاكردنەوەی كاریكاتێرێكی پێغەمبەری ئیسلام لە گۆڤای شارلی ئیبدۆ تێك چوو، ئەمە یەكەم لێدوانی فەرمی ئەرێنی توركیایە بۆ فەرەنسا.
باسنيوز
