وه‌زاره‌تی ده‌ره‌وه‌ی ئێران ڕایگه‌یاند، نوێنه‌ری فڕه‌نسایان له‌ تاران بانگهێشتكردوه‌ و نامه‌یه‌كی ناڕه‌زایه‌تی توندیان به‌رامبه‌ر به‌ كاریكاتێره‌كانی پێغه‌مبه‌ر (د.خ) و لێدوانه‌كانی ئیمانوێڵ ماكرۆن، سه‌رۆكی فڕه‌نسایان ئاڕراسته‌كردوه‌.

جێگری به‌ڕێوه‌به‌ری به‌شی كاروباری ئه‌وروپای وه‌زاره‌تی ده‌ره‌وه‌ی ئێران رایگه‌یاند، "فڕه‌نسا تاوانباره‌ و ناڕه‌زایه‌تی توند به‌رامبه‌ر ئه‌و هه‌ڵسوكه‌وتانه‌یان به‌رامبه‌ر به‌ ئاینی پیرۆزی ئیسلام ده‌رده‌بڕن و بۆ ئه‌و مه‌به‌سته‌ش نوێنه‌ر و كاربه‌ڕێكه‌ری ئه‌و وڵاته‌یان له‌تاران بانگهێشتكردوه‌ و نامه‌یه‌كی ناڕه‌زایه‌تی توندیان ئاڕاسته‌ی كردوه‌، به‌رامبه‌ر به‌ دروستكردنی كاریكاتێر له‌سه‌ر پێغه‌مبه‌ر (د.خ) و لێدوانه‌كانی ماكرۆن".

ئێران هه‌ر هه‌وڵێك بۆ سوكایه‌تیكردن یان بێڕێزیكردن به‌ پێغه‌مبه‌ر (د. خ) و به‌ها ئیسلامییه‌كان ره‌تده‌كاته‌وه‌


ئاماژەی بەوەشکردوە، هه‌ر هه‌وڵێك بۆ سوكایه‌تیكردن یان بێڕێزیكردن به‌ پێغه‌مبه‌ر (د. خ) و به‌ها ئیسلامییه‌كان له‌لایه‌ن هه‌ر كه‌س و هه‌ر كاربه‌ده‌ستێكی فڕه‌نسیه‌وه‌ ره‌تده‌كه‌نه‌وه‌.

پێشتریش، محه‌مه‌د باقڕی، سه‌رۆك ئه‌ركانی سوپای كۆماری ئیسلامی ئێران رایگەیاند، فڕه‌نسا له‌ پشتی ده‌مامكی سیاسی شاراوه‌ و به‌ ئاشكرا پێشێلی مافی مرۆڤ ده‌كات و سوكایه‌تی به‌ ئایینه‌ ئاسمانیه‌كان ده‌كه‌ن، به‌جۆرێك یاریه‌كی مه‌ترسیداری ده‌ستپێكردوه‌.

ئیمانوێڵ ماكرۆن سه‌رۆكی فڕه‌نسا رایگه‌یاند، دروستكردنی كاریكاتێر به‌هه‌ر جۆرێك بێت له‌سه‌ر پێغه‌مبه‌ر (د.خ) ئاسایی و رێگه‌پێدراوه‌ و ئیسلامیش له‌سه‌رتاسه‌ری جیهان توشی قه‌یران بوه‌.



خەندان