بەپێی راپۆرتێكی نەتەوە یەكگرتووەكان لە 20 ساڵی ڕابردوودا 7348 كارەساتی سروشتیی گەورە لە جیهاندا ڕوویان داوە و كاریگەری لەسەر ژیانی 4 ملیار كەس هەبووە.

نەتەوە یەكگرتووەكان سەبارەت بە كارەساتە سروشتییەكانی جیهان ڕاپۆرتێكی بڵاو كردووەتەوە، ئاماژەی بە ئەوە داوە كە لە 20 ساڵی ڕابردوودا كارەساتە سروشتییەكان زیانی گەوری گیانی و ئابوورییان لە وڵاتان داوە.

ئەوەشی خستووەتە ڕوو كە 1.23 ملیۆن كەس لە ماوەی 20 ساڵی رابردوو بە هۆی كارەساتە سروشتییەكان گیانیان لەدەست داوە و كۆی ئەو زیانە ئابوورییانەش كە بەر وڵاتانە كەوتوون 2.97 تریلیۆن دۆلار بووە.

نەتەوە یەكگرتووەكان لە راپۆرتەكەیاندا هۆشدارییان داوە كە لە 10 ساڵی داهاتوودا كارەساتی سروشتیی گەورە بەرێوەیە و زۆرینەیان زۆرینەیان لە وڵاتە تازە پێگەیشتووەكان ڕوو دەدن.















باسنيوز