كەمال كلیچدارئۆغلۆ سەرۆكی پارتی گەلی کۆماری (CHP) گەورەترین پارتی ئۆپۆزسیۆنی توركیا، داوا لە دەوڵەت باخچەلی سەرۆكی مەهەپە دەكات، ئەگەر وڵاتی خۆش دەوێت با لە هاوپەیمانی لەگەڵ ئاكەپە بێتە دەرەوە و توركیا ببەنە ناو هەڵبژاردنی پێشوەختەوە.

كەمال كلیچدارئۆغلۆ لە دیمانەیەكیدا بۆ كەناڵی تەلەفزیۆنی (KRT)ی توركی، باسی لە رەوشی سیاسیی توركیا كرد، كە بەهۆی دابەزینی بەهای لیرەی توركی بارودۆخ تێك چووە و خەڵك ژیانی هەراسان بووە.

کەمال کلیچدارئۆغلۆ ئاماژەی دا، ئەگەر دەوڵەت باخچەلی راست دەكات توركیای خۆش دەوێت، ئەگەر راست دەكات بۆ ئەوەی گەلی توركیا بە ئارامی بژیت، با بێتە بەردەم خەڵك و بڵێت ئیتر بەسە و توركیا ببنە ناو هەڵبژاردنی پێشوەختەوە.

لە بارەی رەوشی تەندروستی وڵاتیش بەهۆی ڤایرۆسی كۆرۆناوە، كەمال كلیچدارئۆغلۆ رەخنەی لە وەزارەتی تەندروستی گرت و گوتی: "ئەو ژمارانەی بڵاوی دەكەنەوە درۆیە و راست نییە، چونكە رێژەی مردن و تووشبوو زۆر لەوە زیاترە".

باخچەلی بە دەنگی بەرز داوای كرد توركیا بچێتە ناو هەڵبژاردنی پێشوەختە و گوتی خەڵك لەوە زیاتر ناتوانێت ئارام بگرێت.











باسنيوز