هاوپەیمانیی نێودەوڵەتیی بۆ شەڕی دژی داعش، لە تویتێكدا چەند وێنەیەكی خانمانی پێشمەرگەی كوردستانیان بڵاو كردووەتەوە و ئاماژەیان بەوە داوە پێشمەرگە ئافرەتەكان لە ریزی پێشەوەی بەرەی شەڕی دژ بە داعش بوونە.

ئەمڕۆ سێشەممە 29/9/2020، لە تویتێكدا، كە لە پەیجی فەرمیی تویتەری هاوپەیمانیی نێودەوڵەتی دژ بە داعش بڵاوكراوەتەوە، هاوشان لەگەڵ دانانی چەند وێنەیەكی خانمانی پێشمەرگە، لە پەسنی ئەواندا ئاماژە بەوە كراوە "خانمە پێشمەرگە چالاك و ئازاكان، لە ریزی پێشەوەی شەڕی دژی داعشدا بوون، ئەو خانمانە بەوپەڕی بوێری و ئازاییەوە شەڕیان دەكرد و سەلماندیان ڕەهەندێكی پتەو و بەهێزی ریزی هێزە جەنگاوەرەكانن".











باسنيوز