به‌رپرسانی چین و ئه‌مریكا پابه‌ندبونیان به‌رێكه‌وتنێكی ستراتیژی دوپاتكرده‌وه‌ و رایانگه‌یاند، كارده‌كه‌ن بۆ زیاتر به‌ره‌و پێشبردنی ئاڵوگۆڕی بازرگانی نێوانیان.

رۆبێرت لایتزه‌ر، نوێنه‌ری بازرگانی ئه‌مریكا و ستیڤ منوچین وه‌زیری گه‌نجینه‌ی ئه‌مریكا له‌ په‌یوه‌ندیه‌كی ته‌له‌فۆنیاندا له‌گه‌ڵ لیۆ هو، جێگری سه‌رۆك وه‌زیرانی چین باسیان لە جێبەجێکردنی قۆناغی یەکەمی رێککەوتنامەی بازرگانی نێوان واشنتن و پەکین کردوە.

ئه‌و هه‌نگاوانه‌ی له‌لایه‌ن چینه‌وه‌ گیراونه‌ته‌به‌ر به‌ره‌و پێشچونی به‌رچاویان به‌خۆوه‌ بینیوه


له‌به‌یاننامه‌یه‌كدا نوێنه‌ری بازرگانی ئه‌مریكا بڵاویكردوه‌ته‌وه‌، ئه‌و هه‌نگاوانه‌ی له‌لایه‌ن چینه‌وه‌ گیراونه‌ته‌به‌ر به‌ره‌و پێشچونی به‌رچاویان به‌خۆوه‌ بینیوه‌ و له‌وباره‌یه‌شه‌وه‌ گفتوگۆی جدی كراوه‌.

ئه‌و سێ به‌رپرسه‌ی ئه‌مریكا و چین جه‌ختیان له‌سه‌ر به‌ره‌و پێشبردنی پابه‌ندبونه‌كانیان به‌رێكه‌وتنه‌كه‌ كردوه‌ته‌وه‌


ئاماژه‌ی به‌وه‌شكردوه‌، ئه‌و سێ به‌رپرسه‌ی ئه‌مریكا و چین جه‌ختیان له‌سه‌ر به‌ره‌و پێشبردنی پابه‌ندبونه‌كانیان به‌رێكه‌وتنه‌كه‌ و گرتنه‌به‌ری هه‌نگاوی پێویست له‌وباره‌یه‌وه‌ كردوه‌.

له‌ مانگی كانونی دوه‌م، ئه‌مریكا و چین له‌ژێر ناونیشانی "رێككه‌وتنی قۆناغی یه‌ك" كه‌تایبه‌ته‌ به‌ بازرگانی رێكه‌وتن، له‌لای خۆشیه‌وه‌ چین پابه‌ندبونی به‌و رێكه‌وتنه‌ ده‌ربڕیوه‌ و بڕی هاورده‌كردنی به‌رهه‌مه‌كانی ئه‌مریكای بۆ وڵاته‌كه‌ی زیاد كردوه‌.



خەندان