سوپای ئێران لە ئاوەکانی کەنداوی عەرەبی، دەست بەسەر کەشتییەکی نەوتهەڵگردا دەگرێت.

فەرماندەیی ناوەندیی هێزەکانی ئەمریکا لە بەیاننامەیەکدا رایگەیاندووە، هێزە ئێرانییەکان بە دوو کەشتی و هەلیکۆپتەرێکەوە بەسەر کەشتیی (Wila)یان داداوە و دەستیان بەسەردا گرتووە.

کەشتیی ویلا ئاڵای وڵاتی لیبریای بەرز کردووەتەوە و لە نزیک بەندەری خورفکان لە ئیمارات لەنگەری گرتبوو.

زانیارییە میدیاییەکان ئاماژە بەوە دەکەن، کە دوای دەست بەسەرداگرتنی کەشتییەکە، هێزە ئێرانییەکان ئازادیان کردووە، بەڵام تا ئێستا هۆکاری دەست بەسەرداگرتنەکە ئاشکرا نەبووە.






باسنيوز