ژمارەی کوژراوانی هێرشەی چەکداریەکەی نێو مۆڵێکی تایلەند کە ئێوارەی دوێنێ لەلایەن ئەفسەرێکەوە ئەنجامدرا گەیشتە 27 کەس.

ئێواره‌ی دوێنێ شه‌ممه‌، سه‌ربازێكی تایلاندی له‌شاری كۆرات له‌باكوری رۆژهه‌ڵاتی ئه‌و وڵاته‌ ته‌قه‌ی له‌ مۆڵێكی كڕینی شتومه‌ك كردوه‌ و به‌وهۆیه‌شه‌وه‌ 27 كه‌س كوژران.

ئاژانسی مێره‌ری بریتانی بڵاویكرده‌وه‌وه‌، سه‌ربازێكی تایلاندی له‌شاری كۆرات له‌باكوری رۆژهه‌ڵاتی ئه‌و وڵاته‌ ته‌قه‌ی له‌ مۆڵێكی كڕینی شتومه‌ك كردوه‌ و به‌گوێره‌ی زانیاریه‌ سه‌ره‌تاییه‌كان تائێستا بەهۆی ئەو هێرشەوە 27 کەس کوژراون.

به‌پێی زانیارییه‌ رۆژنامه‌وانییه‌كان، له‌كاتی ته‌قه‌كردن له‌خه‌ڵك، بكوژه‌كه‌ به‌شێوه‌یه‌كی راسته‌وخۆ وێنه‌ی ڤیدیۆیی كرده‌ی كوشتنه‌كه‌ی بڵاوكردوەته‌وه‌ و گاڵته‌ی به‌ قوربانییه‌كان و پۆلیسیش كردوه‌.

ئه‌وه‌ش زانراوه‌، بكوژه‌كه‌ سه‌ره‌تا فه‌رمانده‌كه‌ی خۆی و ئه‌فسه‌رێكی دیكه‌ی له‌ بنكه‌یه‌كی سه‌ربازی كوشتوه‌ و دواتر هاتوه‌ بۆ تێرمیناڵی 21 له‌ناوه‌ندی شاری كۆرات و ده‌ستی به‌ته‌قه‌كردن له‌خه‌ڵك كردوه‌.

هاوكات، له‌ناو مۆڵه‌كه‌دا، بكوژه‌كه‌، خه‌ڵكی به‌ بارمته‌گرتوه‌ له‌نهۆمی چواره‌می باڵه‌خانه‌كه‌ و له‌ئێستاشدا پۆلیس سه‌رقاڵی خۆئاماده‌كردنن بۆ هێرشكردنه‌ سه‌ری و تا ئێستا ده‌ستگیرنه‌كراوه‌.







خەندان