ساڵی ٢٠١٩ بۆ ئافرەتانی توركیا ساڵێكی شووم بوو، چونكە رۆژانە هەواڵی كوشتنی ئافرەت لە رۆژنامەكاندا بڵاو دەکرایەوە، بە گوێرەی زانیارییەكانیش لەو ساڵەدا ٤٧٤ ئافرەت لە سەرتاسەری تورکیا كوژراون.

پلاتفۆرمی راگرتنی كوشتنی ئافرەت لە توركیا، لە راپۆرتێكدا ئاشكرای دەكات، لە ٢٠١٩ لە تەواوی توركیا ٤٧٤ ئافرەت كوژراون و لە ماوەی ١٠ ساڵی رابردوودا ئەمەش بە بەرزترین رێژە دادەنرێت.

هەر لە راپۆرتەكەدا هاتووە، لە توركیا جگە لەوەی رۆژانە ئافرەت كوژراوە، دەیان منداڵ بێ دایك بوون و لەسەر شەقامەكان ماونەتەوە.

ماڵپەڕی (BBC)یش بڵاوی كردووەتەوە، ٢٠١٩ بۆ ئافرەتانی توركیا ساڵێكی خۆش نەبوو، بەڵكوو ساڵێكی پڕ لە كوشتنی ئافرەت بە دەستی پیاوانەوە.












باسنيوز