دوای ئه‌وه‌ی له‌ مانگی ئه‌یلوولی ئه‌مساڵدا دامه‌زراوه‌ی گه‌یاندنی ته‌كنۆلۆژی توركیا بڕیاری سانسۆرخستنه‌ سه‌ر "ویكیپیدیا"ی دەركرد، ئه‌مڕۆ دادگای باڵای ده‌ستووریی توركیا رایگەیاند، داخستنی ویكیپیدیا و سانسۆرخستنه‌سه‌ری دژی بنه‌ماكانی ئازادیی راده‌ربڕینه‌.

به‌هۆی ئۆپەراسیۆنی سوپای توركیا بۆ سه‌ر رۆژئاوای کوردستان، له‌ ویكیپیدیا ده‌سته‌واژه‌ی "له‌شكركێشی"، "داگیركاری"، "تیرۆری سوپا" و ناساندنی "یه‌په‌گه‌ و هه‌سه‌ده‌" به‌ هێزی ره‌وا، وایكرد دامه‌زراوه‌ی گه‌یاندنی ته‌كنۆلۆژیای تورکیا بڕیاری سانسۆركردن و داخستنی ویكیپیدیا له‌سه‌ر تۆڕی ئینته‌رنێتی توركیا بدات.

بڕیاره‌كه‌ ناڕه‌زایی چین و توێژه‌ جیاوازه‌كانی كۆمه‌ڵگه‌ی توركیای لێكه‌وته‌وه‌ و پرسه‌كه‌یان گواسته‌وه‌ بۆ دادگای باڵای ده‌ستووری.

ئه‌مڕۆ پێنجشەممە، 26-12-2019 دادگای باڵای ده‌ستووری بڕیاریدا و رایگەیاند،‌ قه‌ده‌خه‌كردن، داخستن و سانسۆرخستنه‌ سه‌ر ویكیپیدیا دژی بنه‌ماكانی ئازادیی راده‌ربڕینە.