دێیڤید نۆرکویست، جێگری وەزیری بەرگریی ئەمریکا لە بەیاننامەیەکدا رایگەیاندووە، سەربازە سعودییەکان بەردەوام دەبن لە وەرگرتنی وانەی تیۆریی سەربازی، بەڵام مەشقی سەربازییان پێ ناکرێت.

دێیڤید نۆرکویست هەروەها رایگەیاندووە، کە دەستیان بە لێکۆڵینەوە لە رووداوی تەقەکردنی سەربازێکی سعودی لە ژمارەیەک سەربازی ئەمریکی کردووە و تا لێکۆڵینەوەکانیش تەواو نەبن و رێکاری نوێی ئەمنی دانەنێن، مەشق بە سەربازە سعودییەکان ناکەنەوە.

رۆژی هەینی 6-12-2019 سەربازێکی هێزی ئاسمانیی سعودی بەناوی محەمەد شەمراتی، لە بنکەی ئاسمانیی بنساکۆلا لە ویلایەتی فلۆریدا لە ئەمریکا دەستڕێژی گوللەی لە سەربازە ئەمریکییەکان کرد و بەهۆیەوە سێ سەربازی ئەمریکی کوژراون و هەشتی دیکەش بریندار بوون.





باسنيوز