ژمارەی كوژراوانی خۆپیشاندانەكانی ئێران گەیشتە 36 كەس و وەزارەتی دەرەوەی ئێرانیش رایدەگەیەنێت، ئەمەریكا پشتیوانی لە ئاژاوەگێڕان دەكات.

میدیاكانی ئێران بڵاویان كردووەتەوە، لە سێ رۆژی خۆپیشاندانەكانی ئێران و رۆژھەڵاتی كوردستان، كە بەھۆی گرانكردنی نرخی بەنزین سەریان ھەڵدا، 36 كەس كوژران و سەدانی دیكەش بریندارن.

لەلایەكی دیكەوە، عەباس مووسەوی، گوتەبێژی وەزارەتی دەرەوەی ئێران وەڵامی وەزارەتی دەرەوەی ئەمەریكای دایەوە كە پشتگیری خۆپیشاندانەكانی كردبوو، رایگەیاند "ئەمەریكا پشتیوانی لە كۆمەڵێك ئاژاوەگێڕ دەكات و پەیامەكەیان دڵسۆزانە و نیازپاكانە نییە، بەڵكو لێدوانەكانیان سەبارەت بە هاوسۆزی بۆ گەلی ئێران دووڕوییە".

ئاماژەی بەوەشكرد، ئەوانەی ئێستا ئەمەریكا ھاوسۆزییان بۆ دەردەبڕێت، لەژێر سزا ئابوورییەكانی ئەمەریكادان.






K24