ماوەی دوو رۆژە هێرشەکان بۆ سەر کەرتی غەززە بەردەوامن و تاوەکو ئێستا ژمارەی کوژراوەکان بەو هۆیەوە گەیشتوونەتە 32 کەس.

وەزارەتی تەندروستیی غەززە لە راگەیێندراوێکدا ئاماژەی بەوەداوە، لە هێرشەکانی درەنگانى شەوی رابردوو لە شاری دیر بەلەح لە ناوەڕاستی کەرتی غەززە، شەش فەلەستینی گیانیان لەدەستداوە.

لە راگەیێندراوەکەدا زانیاری لەبارەی ناسنامەی کوژراوەکان بڵاونەکراوەتەوە، بەڵام ئاماژە بەوە کراوە لە ئەنجامی هێرشەکانی ئیسرائیل لە رۆژی سێشەممەوە 32 کەس گیانیان لەدەستداوە و ژمارەی بریندارەکانیش بۆ 100 کەس بەرزبووەتەوە.