ژمارەیەک بەرپرسی نووسینگەی سەرۆک کۆماری ئێران بەهۆی دزەپێکردنی زانیاری، دەستگیر کران.

ئەو بەرپرسانەی نووسینگەی حەسەن رۆحانی، سەرۆک کۆماری ئێران، دوای دەستگیرکردنی روحوڵڵا زەم، رۆژنامەنووس و خاوەنی ماڵپەڕی (ئامەد نیوز)، دەستگیر کراون.

جەواد کەریمی قەدوسی، پەرلەمانتاری کۆنەپارێزی ئێران رایگەیاندووە، چوار کەس لە نووسینگەی حەسەن رۆحانی دەستگیر کراون، کە بریتین لە؛

- کەسێک لە نووسینگەی حوسامەدین ئاشنا، راوێژکاری تایبەتی رۆحانی

- کەسێک لە نووسینگەی تایبەتی رۆحانی

- کەسێک لە نووسینگەی مورتەزا بانک، راوێژکاری رۆحانی بۆ ناوچە بازرگانییە ئازادەکان

- کەسێک لە دەزگای دادوەری

هەفتەی رابردوو دەزگای هەواڵگریی سوپای پاسدارانی ئێران رایگەیاند، روۆحوڵڵا زەمیان دەستگیر کردووە، کە گومان دەکرێ لە شاری نەجەف لە باشووری عێراق دەستگیر کرابێ و گوازرابێتەوە ئێران.

روحوڵڵا زەم هاووڵاتییەکی ئێرانییە و خاوەن رەگەزنامەی فەرەنسییە.





باسنيوز