سەرۆک کۆماری ئیسلامیی ئێران داوای ئەنجامدانی ریفراندۆمێک بۆ دیاریکردنی سیاسەتی نوێی وڵاتەکەی، دەکات.

بەپێی هەواڵێکی (BBC )ی فارسی، حەسەن رۆحانی، سەرۆک کۆماری ئێران، دانی بە بوونی دوو بەرەی توندرەو و چاکسازیخواز لە وڵاتەکەیدا ناوە و رایگەیاندووە، ناکۆکیی ستراتیژی لەنێوان ئەو دوو بەرەیدا هەیە.

حەسەن رۆحانی ئاماژەی بەوەش کردووە، کە لە سەرەتای شۆڕشی ئیسلامییەوە، کە لە ساڵی 1979 هەڵگیرسا و رژێمی شاهانەی گۆڕی و کۆماری ئیسلای دامەزراند، چەندین بابەت تا ئێستا کێشەیان لەسەرە، ”ئەگەر نەگەینە رێککەوتن لەبارەی ئەو پرسانە، پێویستە لەسەرمان ریفراندۆمێک ئەنجام بدەین“، بۆ ئەوەی لەڕێی گەلەوە سیاسەتی نوێی وڵات دابڕێژرێت و ناکۆکییە قوڵەکانی وڵاتەکەی، چارەسەر بکرێن.













باسنيوز