ئیبراهیم كاڵن، وته‌بێژی سه‌رۆكایه‌تی توركیا دووپاتیكرده‌وه‌، ئه‌وانه‌ی هه‌وڵ ده‌ده‌ن ئۆپه‌راسیۆنی "كانی ئاشتی" له‌گه‌دار بكه‌ن، تووڕه‌ و دۆڕاون، چونكه‌ وه‌ك كاڵن ئاماژه‌ی پێدا، "هه‌ڵۆ بچووكه‌كانیان پێگه‌ی خۆیان له‌ سووریا ون كردووه‌".

وته‌بێژی سه‌رۆكایه‌تی توركیا راشیگه‌یاند، كرده‌ ئامانجی سه‌ربازییه‌كه‌ی توركیا بۆ پاراستنی به‌رژه‌وه‌ندییه‌كانیه‌تی و له‌ كاتێكدا خه‌ریكه‌ هاوسه‌نگی جیهان ده‌گه‌ڕێته‌وه‌، هه‌نگێك وڵات به‌و كرده‌ سه‌ربازییه‌ی ئێمه‌ تووشی شۆك بووینه‌.

كاڵن ئاماژه‌ی به‌وه‌شدا، "ئێمه‌ به‌ روونی به‌ به‌رپرسانی ئه‌مه‌ریكامان راگه‌یاندووه‌، توركیا به‌هیچ شێوه‌یه‌ك شه‌ڕ ناوه‌ستێنێت و ئاماده‌ش نییه‌ له‌گه‌ڵ كوردی سووریا بكه‌وێته‌ گفتوگۆ"، دووپاتیشی كرده‌وه‌، "وه‌زاره‌تی ده‌ره‌وه‌ی توركیا ئاماده‌كاری بۆ وه‌ڵامدانه‌وه‌ی سزاكانی ئه‌مه‌ریكا ده‌كات".